Për disa shtesa dhe ndryshime në ligjin nr. 8577, datë 10.2.2000, “Për organizimin dhe funksionimin e Gjykatës Kushtetuese”, të ndryshuar

Lloji: Ligj

Fletore Zyrtare: nr. 71, datë 2021-05-14

LIGJ

Nr. 45/2021

PËR DISA SHTESA DHE NDRYSHIME NË LIGJIN NR. 8577, DATË 10.2.2000,

“PËR ORGANIZIMIN DHE FUNKSIONIMIN E GJYKATËS KUSHTETUESE”,

TË NDRYSHUAR

Në mbështetje të neneve 81 dhe 83, pika 1, të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË

VENDOSI

Në ligjin nr. 8577, datë 10.2.2000, “Për organizimin dhe funksionimin e Gjykatës

Kushtetuese”, të ndryshuar, bëhen këto shtesa dhe ndryshime:

Neni 1

Në nenin 7/b, pika 3, fjalia “Nëse ka më shumë se një vend vakant, Këshilli harton dy lista të

veçanta, një prej të cilave është me kandidatët që vijnë nga radhët e gjyqësorit.” shfuqizohet.

Neni 2

Në nenin 7/c, pika 4, fjalia “Nëse ka më shumë se një vend vakant, Këshilli harton dy lista të

veçanta, një prej të cilave është me kandidatët që vijnë nga radhët e gjyqësorit.” shfuqizohet.

Neni 3

Në nenin 18, pika 3, pas fjalisë së parë shtohet fjalia e dytë me këtë përmbajtje:

“Në rastet kur përpara emërimit gjyqtari

i Gjykatës Kushtetuese gëzonte statusin e

magjistratit, në përfundim të mandatit si gjyqtar i Gjykatës Kushtetuese ka të drejtë të caktohet të

paktën në një pozicion në nivel apeli, përkatësisht në gjykata ose në prokurori, me kusht që të

plotësojë kriteret për atë pozicion, në përputhje me legjislacionin në fuqi për statusin e gjyqtarëve

dhe prokurorëve.”.

Neni 4

Në nenin 86, pas pikës 4, shtohet pika 5 me këtë përmbajtje: