Për disa shtesa dhe ndryshime në ligjin nr. 7905, datë 21.3.1995, “Kodi i Procedurës Penale i Republikës së Shqipërisë”, të ndryshuar”

Lloji: Ligj

Fletore Zyrtare: nr. 71, datë 2021-05-14

LIGJ

Nr. 41/2021

PËR DISA SHTESA DHE NDRYSHIME NË LIGJIN NR. 7905, datë 21.3.1995,

“KODI I PROCEDURËS PENALE I REPUBLIKËS SË SHQIPËRISË”, TË

NDRYSHUAR

Në mbështetje të neneve 81, pikat 1 dhe 2, shkronja “d”, dhe 83, pika 1, të Kushtetutës, me

propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 7905, datë 21.3.1995, “Kodi i Procedurës Penale i Republikës së Shqipërisë”, të

ndryshuar, bëhen këto shtesa dhe ndryshime:

Neni 1

Në nenin 14 pika 4 ndryshohet si më poshtë:

“4. Gjykimet për kërkesat e parashikuara në pikën 2 të nenit 13 të këtij Kodi shqyrtohen nga

një gjyqtar i vetëm.”.

Neni 14/a ndryshohet si më poshtë:

Neni 2

“Neni 14/a

Gjykata e Lartë dhe përbërja

Gjykata e Lartë gjykon në kolegje me trup gjykues të përbërë nga 3 gjyqtarë. Gjykata e Lartë

gjykon njësimin dhe zhvillimin e praktikës gjyqësore në kolegje me trup gjykues të përbërë nga 5

gjyqtarë dhe ndryshimin e praktikës gjyqësore në kolegje të bashkuara.”.

Neni 3

Në nenin 15, pika 2, fjalia e parë ndryshohet si më poshtë:

“Nuk mund të marrë pjesë në gjykim gjyqtari që ka shqyrtuar kërkesat e palëve gjatë hetimeve

paraprake ose në seancë paraprake për të njëjtin procedim, me përjashtim të rasteve kur

parashikohet ndryshe në këtë Kod.”.

Neni 4

Në nenin 21 pika 2 ndryshohet si më poshtë:

“2. Për kërkesën e përjashtimit të gjyqtarit të Gjykatës së Lartë vendos një gjyqtar tjetër i kësaj