Për disa shtesa dhe ndryshime në ligjin nr. 133/2015, "Për trajtimin e pronës dhe përfundimin e procesit të kompensimit të pronave"

Lloji: Ligj

Fletore Zyrtare: nr. 168, datë 2022-12-15

LIGJ

Nr. 77/2022

PËR DISA SHTESA DHE NDRYSHIME NË LIGJIN NR. 133/2015 “PËR

TRAJTIMIN E PRONËS DHE PËRFUNDIMIN E PROCESIT TË KOMPENSIMIT

TË PRONAVE”

Në mbështetje të neneve 78, 81, pika 1, dhe 83, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 133/2015, “Për trajtimin e pronës dhe përfundimin e procesit të kompensimit të

pronave” bëhen këto shtesa dhe ndryshime:

Neni 1

Në nenin 6 bëhen shtesa dhe ndryshimi i mëposhtëm:

1. Pas pikës 2 shtohet pika 2/1 me këtë përmbajtje:

“2/1. Vlerësimi financiar i vendimeve përfundimtare duhet të sigurojë që vlera e përgjithshme

e kompensimit, pavarësisht formës së kompensimit, të jetë jo më pak se 10 për qind e vlerës së

pronës, të llogaritur sipas zërit kadastral aktual. Për këtë qëllim, kur pronës së njohur për

kompensim i ka ndryshuar zëri kadastral, si dhe nga vlerësimi i vendimeve përfundimtare, sipas

pikave 1 dhe 2 të këtij neni, rezulton që subjekti i shpronësuar përfiton më pak se 10 për qind të

vlerës së pronës së llogaritur sipas zërit kadastral aktual, prona e njohur për kompensim

vlerësohet në bazë të zërit kadastral aktual.”.

2. Në pikën 7 fjalët “marrja e shpërblimit” zëvendësohen me fjalët “datën e publikimit”.

Neni 2

Në nenin 7 bëhen ndryshimet dhe shtesat e mëposhtme:

1. Pika 2 ndryshohet si më poshtë: