Për krijimin e Autoritetit të Sigurisë Hekurudhore

Lloji: Ligj

Fletore Zyrtare: nr. 125, datë 2021-08-06

1 Ky ligj është përafruar pjesërisht me:

Direktivën (BE) 2016/798 të Parlamentit Evropian dhe të Këshillit, datë 11 maj 2016, “Mbi sigurinë hekurudhore”,

e ndryshuar”. Numri CELEX 32016L0798, Fletorja Zyrtare e Bashkimit Evropian, seria L, nr. 138, datë 26.5.2016, f.

102–149.

LIGJ

Nr. 88/2021

PËR KRIJIMIN E AUTORITETIT TË SIGURISË HEKURUDHORE1

Në mbështetje të neneve 78 e 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Qëllimi i këtij ligji është krijimi i Autoritetit të Sigurisë Hekurudhore, në vijim “Autoriteti”.

Neni 2

Objekti i ligjit

Objekti i këtij ligji është përcaktimi i rregullave për organizimin dhe funksionimin e

Autoritetit.

Neni 3

Fusha e veprimtarisë së Autoritetit

Fusha e veprimtarisë së Autoritetit është garantimi i sigurisë dhe ndërveprimit hekurudhor, në

zbatim të Kodit Hekurudhor të Republikës së Shqipërisë.

KREU II

STATUSI, FUNKSIONET DHE STRUKTURA E AUTORITETIT

Neni 4

Statusi i Autoritetit

1. Autoriteti është person juridik publik, me seli në Durrës, i cili organizohet dhe funksionon

si agjenci autonome, në përputhje me dispozitat e këtij ligji.

2. Organet drejtuese të autoritetit janë Këshilli Drejtues dhe Drejtori Ekzekutiv.

Neni 5

Funksionet

2

Autoriteti kryen funksionet e tij të sigurisë dhe ndërveprimit në përputhje me Kodin

Hekurudhor si më poshtë: