Për eurobondin që do të emetohet nga ministri i Financave dhe Ekonomisë, miratimin e përjashtimeve nga tatimet e taksat dhe të parashikimeve për heqjen dorë nga imuniteti në marrëveshjet që do të lidhen nga ministri i Financave dhe Ekonomisë

Lloji: Ligj

Fletore Zyrtare: nr. 169, datë 2021-11-01

LIGJ

Nr. 103/2021

PËR EUROBONDIN QË DO TË EMETOHET NGA MINISTRI I FINANCAVE

DHE EKONOMISË, MIRATIMIN E PËRJASHTIMEVE NGA TATIMET E

TAKSAT DHE TË PARASHIKIMEVE PËR HEQJEN DORË NGA IMUNITETI NË

MARRËVESHJET QË DO TË LIDHEN NGA MINISTRI I FINANCAVE DHE

EKONOMISË

Në mbështetje të neneve 78, 83, pikat 1 e 2, dhe 84, pika 4, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Në marrëveshjet që do të lidhen nga ministri i Financave dhe Ekonomisë për emetimin e

instrumentit “Eurobond”, në përputhje me ligjin nr. 9665, datë 18.12.2006, “Për huamarrjen

shtetërore, borxhin shtetëror dhe garancitë shtetërore të huas në Republikën e Shqipërisë”, të

ndryshuar, dhe thelbësisht sipas kushteve të përcaktuara në tekstin e tyre që i bashkëlidhen këtij

ligji, lejohen parashikimet për heqjen dorë nga imuniteti.

Neni 2

Mbajtësit e titujve të eurobondit dhe menaxherët bashkëdrejtues, sipas përcaktimeve në

marrëveshjet bashkëlidhur, përjashtohen nga tatimi mbi të ardhurat, nga tatimi mbi vlerën e

shtuar dhe nga çdo tatim apo taksë tjetër në Republikën e Shqipërisë për të gjitha transaksionet

dhe veprimtaritë që lidhen me emetimin, mbajtjen, ruajtjen e tregtimin e eurobondeve.

Neni 3

Hyrja në fuqi

Ky ligj hyn në fuqi menjëherë dhe botohet në Fletoren Zyrtare.

Miratuar më datë 28.10.2021.

Shpallur me dekretin nr. 13303, datë 29.10.2021,

Shqipërisë, Ilir Meta.

të Presidentit