Për disa shtesa dhe ndryshime në ligjin nr. 9863, datë 28.1.2008 "Për ushqimin", i ndryshuar

Lloji: Ligj

Fletore Zyrtare: nr. 29, datë 2022-02-22

LIGJ

Nr. 10/2022

PËR DISA SHTESA DHE NDRYSHIME NË LIGJIN NR. 9863, DATË 28.1.2008,

“PËR USHQIMIN”, I NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e një deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9863, datë 28.1.2008, “Për ushqimin”, i ndryshuar, bëhen këto shtesa dhe

ndryshime:

Neni 1

Në nenin 11 pas pikës 4 shtohet pika 5 me këtë përmbajtje:

“5. Për sigurimin e një niveli të lartë të mbrojtjes së shëndetit të njerëzve hartohet Strategjia

Kombëtare e Sigurisë Ushqimore, e cila miratohet me vendim të Këshillit të Ministrave. Kjo

strategji rishikohet çdo 7 vjet.”.

Neni 2

Në nenin 16 bëhen ndryshimi dhe shtesat si më poshtë:

1. Pika 1 ndryshohet si më poshtë:

“1. Kontrolli i përputhshmërisë së dokumentacionit shoqërues, sipas nenit 18 tё kёtij ligji, të

ngarkesave të ushqimeve të importuara me kërkesat e legjislacionit shqiptar kryhet në Pikat e

Inspektimit Kufitar nga inspektori i institucionit përgjegjës të kontrollit të ushqimit dhe ushqimit

për kafshë. Inspektori vendos bllokimin e ngarkesës dhe masa të tjera të parashikuara në këtë ligj

ose në aktet nënligjore në zbatim të tij kur dokumentacioni shoqërues nuk është në përputhje me

kërkesat ligjore.”.

2. Pas pikës 3 shtohen pikat 4 dhe 5 me këtë përmbajtje:

“4. Në rast të marrëveshjeve ndërkombëtare dypalëshe ose shumëpalëshe kontrolli i përcaktuar