Për ratifikimin e marrëveshjes ndërmjet Republikës së Shqipërisë dhe Republikës së Kosovës për sigurime shoqërore

Lloji: Ligj

Fletore Zyrtare: nr. 48, datë 2022-03-30

LIGJ

Nr. 23/2022

PËR RATIFIKIMIN E MARRËVESHJES NDËRMJET REPUBLIKËS SË

SHQIPËRISË DHE REPUBLIKËS SË KOSOVËS PËR SIGURIME SHOQËRORE

Në mbështetje të neneve 78, 83, pika 1, dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Republikës së Shqipërisë dhe Republikës së Kosovës, për

sigurime shoqërore sipas tekstit që i bashkëlidhet këtij ligji dhe është pjesë përbërëse e tij.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 10.3.2022.

Shpallur me dekretin nr. 13521, datë 28.3.2022, të Presidentit të Republikës së

Shqipërisë, Ilir Meta.

MARRËVESHJE

PËR SIGURIME SHOQËRORE NDËRMJET REPUBLIKËS SË SHQIPËRISË DHE

REPUBLIKËS SË KOSOVËS

REPUBLIKA E SHQIPËRISË

DHE

REPUBLIKA E KOSOVËS

Republika e Shqipërisë dhe Republika e Kosovës, me dëshirën për të ndërtuar marrëdhënie të

ndërsjella ndërmjet dy vendeve në fushën e sigurimeve shoqërore vendosën të lidhin një

marrëveshje për këtë qëllim dhe ranë dakord për sa më poshtë:

PJESA I

DISPOZITAT E PËRGJITHSHME

Neni 1

Përkufizime

Për zbatimin e kësaj marrëveshjeje, termat e mëposhtëm nënkuptojnë:

1. “Shqipëria”: Republika e Shqipërisë;

“Kosovë”: Republika e Kosovës.

2. “Territor”:

Për sa i përket Shqipërisë: territori i Republikës së Shqipërisë;

Për sa i përket Kosovës: territori i Republikës së Kosovës.

3. “Shtetas”: