Për disa shtesa dhe ndryshime në ligjin nr. 35/2016, “Për të drejtat e autorit dhe të drejtat e tjera të lidhura me to”

Lloji: Ligj

Fletore Zyrtare: nr. 69, datë 2022-05-11

LIGJ

Nr. 37/2022

PËR DISA SHTESA DHE NDRYSHIME NË LIGJIN NR. 35/2016, “PËR TË

DREJTAT E AUTORIT DHE TË DREJTAT E TJERA TË LIDHURA ME TO”

Në mbështetje të neneve 78 dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 35/2016 “Për të drejtat e autorit dhe të drejtat e tjera të lidhura me to” bëhen

këto shtesa dhe ndryshime:

Në pikën 2 të nenit 5 pas fjalëve “përjashtimet dhe kufizimet e së drejtës së autorit” shtohen

fjalët “veprat pa autor dhe kërkimi shterues”.

Neni 1

Pas nenit 16 shtohen nenet 16/1, 16/2 dhe 16/3 me këtë përmbajtje:

Neni 2

“Neni 16/1

Veprat pa autor

1. “Vepër pa autor” konsiderohet vepra kur pas kryerjes dhe dokumentimit të një kërkimi

shterues, në kuptim të nenit 16/2 të këtij ligji, asnjë nga autorët ose bashkautorët e një vepre nuk

është identifikuar ose nëse autori ose një a më shumë bashkautorë të veprës janë identifikuar, por

asnjërit prej tyre nuk i dihet vendndodhja.

2. Nëse pas kryerjes dhe dokumentimit të kërkimit shterues, në kuptim të këtij ligji, jo të gjithë

bashkautorët e një vepre janë identifikuar ose nëse janë identifikuar dhe u dihet vendndodhja,

zbatohen nenet 75/1 dhe 75/2 të këtij ligji. Kjo pikë e këtij neni zbatohet vetëm nëse të gjithë

bashkautorët e identifikuar dhe që u dihet vendndodhja kanë lëshuar autorizimin e tyre për