Për ratifikimin e Konventës së Këshillit të Evropës “Për aksesin në dokumente zyrtare”

Lloji: Ligj

Fletore Zyrtare: nr. 70, datë 2022-05-12

LIGJ

Nr. 45/2022

PËR RATIFIKIMIN E KONVENTËS SË KËSHILLIT TË EVROPËS

“PËR AKSESIN NË DOKUMENTE ZYRTARE”

Në mbështetje të neneve 78, 83 dhe 121, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa e Këshillit

të Evropës “Për aksesin në dokumente zyrtare”, që i

bashkëlidhet këtij ligji dhe është pjesë përbërëse e tij.

Neni 2

Në përputhje me nenin 12, pika 1, të Konventës së Këshillit të Evropës “Për aksesin në

dokumente zyrtare”, Republika e Shqipërisë cakton Komisionerin për të Drejtën e Informimit dhe

Mbrojtjen e të Dhënave Personale si përfaqësues në Këshillin e Palëve.

Neni 3

Ky ligj hyn në fuqi 15 ditë pas botimit në Fletoren Zyrtare.

Miratuar në datën 28.4.2022.

Shpallur me dekretin nr. 13610, datë 10.5.2022, të Presidentit të Republikës së Shqipërisë, Ilir

Meta.

Këshilli i Evropës

Seria e Traktateve të Këshillit të Evropës nr. 205

KONVENTA E KËSHILLIT TË EVROPËS

PËR AKSESIN NË DOKUMENTE ZYRTARE

Tromsø, 18.VI.2009

Hyrje

Shtetet anëtare të Këshillit të Evropës dhe nënshkruesit e tjerë të kësaj Konvente,

duke pasur parasysh se synimi i Këshillit të Evropës është arritja e një uniteti më të madh ndërmjet

anëtarëve të tij, me qëllim mbrojtjen dhe realizimin e idealeve dhe parimeve, të cilat janë trashëgimia

e tyre e përbashkët;