Për disa ndryshime dhe shtesa në ligjin nr. 45/2015 "Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë", i ndryshuar

Lloji: Ligj

Fletore Zyrtare: nr. 154, datë 2022-11-16

LIGJ

Nr. 72/2022

PËR DISA NDRYSHIME DHE SHTESA NË LIGJIN NR. 45/2015 “PËR TË DREJTËN E

INFORMIMIT PËR DOKUMENTET E ISH-SIGURIMIT TË SHTETIT TË

REPUBLIKËS POPULLORE SOCIALISTE TË SHQIPËRISË”, I NDRYSHUAR

Në mbështetje të neneve 78, 81, pika 1, dhe 83, pika 1, të Kushtetutës, me nismë deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr. 45/2015 , “Për të drejtën e informimit për dokumentet e ish -Sigurimit të Shtetit të

Republikës Popullore Socialiste të Shqipërisë”, të ndryshuar, bëhen këto ndryshime dhe shtesa:

Neni 1

Në pikën 3, të nenit 1, pas shprehjes “informacionin e klasifikuar sekret shtetëror” shtohet togfjalëshi

“si dhe Kodin e Procedurave Administrative”.

Neni 2

Në pikën 1, të nenit 2, pas fjalëve “që lidhen” shtohet togfjalëshi “kryesisht, por pa u kufizuar”.

Neni 3

Në pikën 4, të nenit 3, pas fjalëve “që lidhen” shtohet togfjalëshi “kryesisht, por pa u kufizuar” dhe

fjala “dosje” zëvendësohet me fjalën “dokumente”.

Neni 4

Pas pikës 1, të nenit 5, shtohen pikat 1.1 dhe 1.2, me këtë përmbajtje:

“1.1 Me qëllim përcaktimin e gjendjes së fakt eve dhe rrethanave që kanë lidhje me çështjen, organi

publik, mund:

a) të mbledhë deklarata nga palët, dëshmitarët dhe ekspertët duke garantuar në çdo rast

konfidencialitetin e individëve, që ofrojnë informacion si persona të përfshirë ose në dijeni për rrethanat

e çështjes;