Për disa shtesa dhe ndryshime në ligjin nr. 59/2014 “Për karrierën ushtarake në Forcat e Armatosura të Republikës së Shqipërisë”, të ndryshuar

Lloji: Ligj

Fletore Zyrtare: nr. 27, datë 2023-02-22

LIGJ

Nr. 9/2023

PËR DISA SHTESA DHE NDRYSHIME NË LIGJIN NR. 59/2014 “PËR KARRIERËN

USHTARAKE NË FORCAT E ARMATOSURA TË REPUBLIKËS SË SHQIPËRISË”,

TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 59/2014, “Për karrierën ushtarake në Forcat e Armatosura të Republikës së

Shqipërisë”, të ndryshuar, bëhen këto shtesa dhe ndryshime:

Neni 1

Në nenin 5 shtohen pikat 13 dhe 14 me këtë përmbajtje:

“13. “Sportistë të nivelit të lartë” ka të njëjtin kuptim sipas përcaktimeve të ligjit nr. 79/2017, “Për

sportin”, të ndryshuar;

14. “Gradë honorifike” është grada, e ndryshme nga gradat ushtarake të përcaktuara në nenin 12 të

këtij ligji, e cila i jepet sportistit të nivelit të lartë.”.

Neni 2

Në nenin 12 bëhen këto ndryshime dhe shtesa:

a) në shkronjën “ç” të pikës 1 grada “Ushtar I” zëvendësohet me gradën “Kadet”;

b) pas pikës 4 shtohet pika 5 me këtë përmbajtje:

“5. Grada “Kadet” për efekt të pagesës njësohet me gradën “Ushtar I””.

Pas nenit 12 shtohen nenet 12/1, 12/2 dhe 12/3 me këtë përmbajtje:

Neni 3

“Neni 12/1

Grada honorifike

1. Sportistit të nivelit të lartë i jepet grada honorifike me urdhër të ministrit të Mbrojtjes.

2. Propozimi për dhënien e gradës honorifike bëhet nga shefi

i Shtabit të Përgjithshëm pas

vlerësimit nga Komisioni i Gradave Honorifike.