Për disa ndryshime dhe shtesa në ligjin nr. 8378, datë 22.7.1998 "Kodi Rrugor i Republikës së Shqipërisë", të ndryshuar

Lloji: Ligj

Fletore Zyrtare: nr. 59, datë 2023-04-06

LIGJ

Nr. 21/2023

PËR DISA NDRYSHIME DHE SHTESA NË LIGJIN NR. 8378, DATË 22.7.1998

“KODI RRUGOR I REPUBLIKËS SË SHQIPËRISË”, TË NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e disa deputetëve,

KUVENDI

I REPUBLIKËS SË SHQIPËRISË

VENDOSI:

Në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar, bëhen

këto ndryshime dhe shtesa:

Neni 1

Në nenin 2, pika 6, shkronja “B” ndryshohet si më poshtë:

“B – Qarku, kur lidhin kryeqendrën e qarkut me bashkitë, qendrat e njësive administrative dhe

zonat e tjera me interes industrial, bujqësor, turistik e klimaterik, rrugët që lidhin qendrat e njësive

administrative, bashkitë me qendrat e njësive administrative dhe rrugët që lidhen qendrat e bashkisë

dhe të njësive administrative me rrugët shtetërore.”.

Neni 2

Kudo në përmbajtjen e Kodit:

- emërtimi “Ministrisë së Rendit Publik” zëvendësohet me emërtimin “Ministrisë së Brendshme”;

- emërtimi “Ministrisë së Kulturës, Rinisë dhe Sporteve” zëvendësohet me fjalët “ministrisë

përgjegjëse për çështjet e kulturës”;

- emërtimi “Drejtorisë së Përgjithshme të Rrugëve” zëvendësohet me emërtimin “Autoritetit Rrugor

Shqiptar”;

- fjala “rrethit” zëvendësohet me fjalën “qarkut”.

Neni 3

Në nenin 7 bëhen shtesat e mëposhtme:

a) në pikën 1, shkronja “f”, shtohet fjalia “Zonat e destinuara për parkim përkundrejt pagesës nuk