Për qeverisjen elektronike

Lloji: Ligj

Fletore Zyrtare: nr. 99, datë 2023-07-05

LIGJ

Nr. 43/2023

PËR QEVERISJEN ELEKTRONIKE

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi i ligjit

Qëllimi i këtij ligji është përcaktimi i të drejtave, detyrimeve dhe përgjegjësive të autoriteteve publike

dhe/ose subjekteve private në lidhje me krijimin, zhvillimin dhe menaxhimin e sistemeve të

infrastrukturës së informacionit, detyrimin e autoriteteve publike dhe/ose subjekteve private në

zbatimin e standardeve të teknologjisë së informacionit, përcaktimin e rregullave për krijimin dhe

ofrimin e shërbimeve elektronike në Republikën e Shqipërisë, si dhe aksesin, përpunimin e

protokollimin e dokumentit elektronik.

Neni 2

Objekti i ligjit

Ky ligj përcakton:

a) parimet e përgjithshme të qeverisjes elektronike;

b) detyrimet e autoriteteve publike dhe subjekteve private në ofrimin e shërbimeve elektronike;

c) të drejtat e personave fizikë, subjekteve private dhe autoriteteve publike për të komunikuar me

njëri-tjetrin përmes teknologjisë së informacionit;

ç) funksionimin dhe ndërveprimin midis autoriteteve publike e subjekteve private për qeverisjen

elektronike;

d) infrastrukturën e shërbimeve elektronike;

dh) sistemin e administrimit dhe protokollit

administratës shtetërore në nivel qendror dhe vendor.

të dokumentit elektronik për

institucionet e

Neni 3