Për disa shtesa dhe ndryshime në ligjin nr. 15/2019, “Për nxitjen e punësimit”

Lloji: Ligj

Fletore Zyrtare: nr. 105, datë 2023-07-13

LIGJ

Nr. 47/2023

PËR DISA SHTESA DHE NDRYSHIME NË LIGJIN NR. 15/2019, “PËR NXITJEN E

PUNËSIMIT”

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 15/2019 “Për nxitjen e punësimit” bëhen këto shtesa dhe ndryshime:

Neni 1

Në nenin 3 bëhen këto shtesa:

1. Shkronja “ç” e pikës 4 riformulohet si më poshtë:

“ç) familjarët e individëve me aftësi të kufizuar”.

2. Në shkronjën “h” të pikës 4 pas fjalëve “të rinjtë me moshë nën 29 vjeç” shtohen fjalët “që nuk

janë në punësim, arsim ose formim profesional”.

3. Pas pikës 20 shtohet pika 21 me këtë përmbajtje:

“21. Kuponi për financimin e formimit profesional” është kuponi që u jepet punëkërkuesve të

papunë, të cilët ndjekin një kurs formimi profesional në subjektet private të formimit profesional.”.

Neni 2

Në nenin 11 bëhen ndryshimet dhe shtesat e mëposhtme:

1. Në pikën 2 bëhen këto ndryshime dhe shtesa:

a) Shkronja “gj” riformulohet si më poshtë:

“gj) programe sipas skemës së garancisë rinore;”.

b) Shkronja “k” riformulohet si më poshtë:

“k) këshillimin për punësim për grupet e veçanta;”.

c) Pas shkronjës “k” shtohet shkronja “l” me këtë përmbajtje:

“l) skemën e kuponit për financimin e formimit profesional.”.

2. Në pikën 4 fjala “ vendim” zëvendësohet me “vendime”.

Pas nenit 11 shtohet neni 11/1 me këtë përmbajtje:

Neni 3

“Neni 11/1

Skema e garancisë rinore