Për disa shtesa dhe ndryshime në ligjin nr. 9774, datë 12.7.2007, “Për vlerësimin dhe administrimin e zhurmës në mjedis”, të ndryshuar

Lloji: Ligj

Fletore Zyrtare: nr. 105, datë 2023-07-13

LIGJ

Nr. 50/2023

PËR DISA SHTESA DHE NDRYSHIME NË LIGJIN NR. 9774, DATË 12.7.2007,

“PËR VLERËSIMIN DHE ADMINISTRIMIN E ZHURMËS NË MJEDIS”,

TË NDRYSHUAR1

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË,

VENDOSI:

Në ligjin nr. 9774, datë 12.7.2007, “Për vlerësimin dhe administrimin e zhurmës në mjedis”, të

ndryshuar, bëhen këto shtesa dhe ndryshime:

Neni 1

Kudo në tekstin e ligjit termat:

1. “Agjencia e Mjedisit dhe Pyjeve” zëvendësohet me “Agjencia Kombëtare e Mjedisit”.

2. “Bashki/komunë” dhe “bashkisë/komunës” zëvendësohen përkatësisht me “bashki” dhe

“bashkisë”.

3. “Organi/t/n i/e qeverisjes vendore”, “organet e qeverisjes vendore”, ”njësia e qeverisjes

vendore” zëvendësohen përkatësisht me “bashki”, “bashkisë”, “bashkia”, “bashkitë” , “bashkinë”.

Neni 2

Në nenin 3 pas pikës 19 shtohen pikat 20 dhe 21 me këtë përmbajtje:

“20. “Aglomerat” është pjesa e një territori, me numër popullsie më të madhe se 100 000 banorë

dhe dendësi popullsie prej më shumë se 3 000 banorësh/km2.

21. “Zonë turistike” është zona me vlerë natyrore të peizazhit, historike, kulturore, sportive,

shëndetësore dhe pushimi.

Neni 3

Në nenin 5 bëhen këto ndryshime dhe shtesa:

1 Pikat 1 dhe 2 ndryshohen si më poshtë:

“1. Ministria është organi qendror përgjegjës për mbrojtjen e mjedisit nga zhurma dhe për

përcaktimin e niveleve kufi.