Për menaxhimin e garancive dhe kredive shtetërore të pakthyera

Lloji: Ligj

Fletore Zyrtare: nr. 113, datë 2023-08-01

LIGJ

Nr. 55/2023

PËR MENAXHIMIN E GARANCIVE DHE KREDIVE SHTETËRORE

TË PAKTHYERA

Në mbështetje të neneve 78, 81, pika 1, dhe 83, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti i ligjit

Ky ligj ka për objekt përcaktimin e rregullave për menaxhimin dhe kthimin e garancive shtetërore të

huas, si dhe kthimin e kredive shtetërore të pakthyera, të dhëna nga bankat e nivelit të dytë, me kapital

tërësisht shtetëror para privatizimit të tyre.

Neni 2

Përkufizimet

1. Termat e përdorur në këtë ligj kanë kuptimin si më poshtë:

a) “Debitorët e bankës” do të vlerësohen si debitorë të Agjencisë së Menaxhimit të Garancive dhe

Kredive të Pakthyera për të gjitha kreditë e transferuara prej saj, sipas këtij ligji. Agjencia e Menaxhimit

të Garancive dhe Kredive të Pakthyera gëzon të drejtat që banka ka pasur mbi debitorin, duke përfshirë

edhe ndryshimet që banka mund t’i ketë bërë me marrëveshje ndërmjet debitorit dhe asaj përpara datës

kur kredia është transferuar në pronësi të Agjencisë;

b) “Garanci shtetërore”, “nënhua dhe nënhuazim” dhe “skema të veçanta të garancive” kanë të

njëjtin kuptim si në legjislacionin në fuqi për huamarrjen shtetërore, borxhin shtetëror dhe garancitë

shtetërore të huas në Republikën e Shqipërisë;

c) “Kthimi

i garancive, huave dhe nënhuave” është procesi

i mbledhjes së detyrimeve të