Për ratifikimin e Konventës për të drejtat e fëmijës

Lloji: Ligj

Fletore Zyrtare: nr. 89-e, datë 2013-11-20

LIGJ

Nr. 7531, datë 11.12.1991

PËR RATIFIKIMIN E KONVENTËS PËR TË DREJTAT E FËMIJËS

Në mbështetje të nenit 16 të ligjit nr. 7491, datë 29.4.1991 “Për dispozitat kryesore kushtetuese”, me propozimin e Këshillit të Ministrave

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Ratifikimin e “Konventës për të drejtat e fëmijës”, nënshkruar në Nju-Jork, më 26 janar 1990.

Neni 2

Ky ligj hyn në fuqi menjëherë.

Shpallur me dekretin nr. 89, datë 20.12.1991, të Presidentit të Republikës së Shqipërisë, Ramiz Alia

KONVENTA MBI TË DREJTAT E FËMIJËS

MIRATUAR NGA ASAMBLEJA E PËRGJITHSHME E ORGANIZATËS SË KOMBEVE TË

BASHKUARA MË 20 NËNTOR 1989

PREAMBULA

Shtetet Palë në këtë Konventë,

duke pasur parasysh se, në përputhje me parimet e shpallura në Kartën e Kombeve të Bashkuara, njohja e dinjitetit të lindur dhe e të drejtave të barabarta e të patjetërsueshme të të gjithë anëtarëve të familjes njerëzore është baza e lirisë, drejtësisë dhe e paqes në botë;

duke pasur parasysh faktin se popujt e Kombeve të Bashkuara kanë ripohuar në Kartë besimin e tyre në të drejtat themelore të njeriut dhe në dinjitetin dhe vlerën e njeriut dhe kanë vendosur të nxisin progresin shoqëror e standarde më të mira jetese, në një liri më të madhe;