PËR RATIFIKIMIN E “PROTOKOLLIT TË TRETË SHTESË TË “MARRËVESHJES SË FORCËS SHUMËKOMBËSHE PAQERUAJTËSE TË EUROPËS JUGLINDORE

Lloji: Ligj

Fletore Zyrtare: nr. 47, datë 2001-10-18

L I G J

Nr.8816, datë 20.9.2001

PËR RATIFIKIMIN E “PROTOKOLLIT TË TRETË SHTESË TË “MARRËVESHJES SË FORCËS SHUMËKOMBËSHE PAQERUAJTËSE TË EUROPËS JUGLINDORE””

Në mbështetje të neneve 78, 81, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Protokolli i tretë shtesë i “Marrëveshjes së Forcës Shumëkombëshe paqeruajtëse të Europës Juglindore””, nënshkruar në Athinë, më datë 21 qershor 2000.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.3093, datë 22.9.2001 të Presidentit të Republikës së Shqipërisë, Rexhep Meidani

PROTOKOLLI

I TRETË SHTESË I MARRËVESHJES SË FORCËS SHUMËKOMBËSHE TË EUROPËS JUGLINDORE

Shtetet Palë në Marrëveshjes e Forcës Shumëkombëshe Paqeruajtëse të Europës Juglindore, nënshkruar në Shkup më 26 shtator 1998;

Duke marrë në konsideratë se, në përputhje me Marrëveshjen e Forcës Shumëkombëshe Paqeruajtëse të Evropës Juglindore, dispozitat e PfP SOFA dhe protokoll shtesë i saj, në parim, duhet të jenë të aplikueshme sipas ndryshimeve të nevojshme të Marrëveshjes.

Me dëshirën për të përcaktuar satusin e përshtatshëm të Shtabit të SEEBRIG, të vendosur përkohësisht ose mbi bazën e rotacionit, në territoret e tyre, në përputhje me Marrëveshjen e Forcës Shumëkombëshe Paqeruajtëse të Europës Juglindore dhe personelit të tij e familjeve të tyre, bien dakort si më poshtë: