PËR ADERIMIN E REPUBLIKËS SË SHQIPËRISË NË “KONVENTËN NDËRKOMBËTARE TË EUROCONTROL-IT”

Lloji: Ligj

Fletore Zyrtare: nr. 48, datë 2001-10-26

LIGJ

Nr.8821, datë 15.10.2001

PËR ADERIMIN E REPUBLIKËS SË SHQIPËRISË NË “KONVENTËN NDËRKOMBËTARE TË EUROCONTROL-IT”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Konventën Ndërkombëtare të EUROCONTROL-it për bashkëpunimin për sigurinë e navigimit ajror” të 13 dhjetorit të vitit 1960, të amenduar nga protokolli shtesë, i nënshkruar në Bruksel, më 6 korrik 1970, i cili është amenduar nga protokolli i 21 nëntorit të vitit 1978, të gjitha këto të amenduara nga protokolli i nënshkruar në Bruksel më 12 shkurt 1981.

Neni 2

Republika e Shqipërisë aderon në “Marrëveshjen shumëpalëshe për pagesat e rrugës” të 12 shkurtit të 1981.

Neni 3

Republika e Shqipërisë aderon në Protokollin që konsolidon “Konventën Ndërkombëtare të EUROCONTROL-it” dhe amendamentet e saj, hapur për nënshkrim në Bruksel më 27 qershor 1997.

Neni 4

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.3122, datë 22.10.2001 të Presidentit të Republikës së Shqipërisë, Rexhep Meidani