PËR PRIVATIZIMIN E AKSIONEVE, PRONË E SHTETIT SHQIPTAR, TË BANKËS SË BASHKUAR TË SHQIPËRISË

Lloji: Ligj

Fletore Zyrtare: nr. 95, datë 2004-12-17

LIGJ

Nr.9314, datë 11.11.2004

PËR PRIVATIZIMIN E AKSIONEVE, PRONË E SHTETIT SHQIPTAR, TË BANKËS SË

BASHKUAR TË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Neni 1

Ministria e Financave, me cilësinë e pronarit, lejohet, në emër të shtetit shqiptar, të transferojë

të drejtën e pronësisë nëpërmjet shitjes së 40 për qind të aksioneve të Bankës së Bashkuar të

Shqipërisë.

Neni 2

Aksionet, pronë e shtetit shqiptar, të Bankës së Bashkuar të Shqipërisë, t’u ofrohen për shitje,

fillimisht, aksionerëve të kësaj banke, sipas legjislacionit në fuqi dhe aktit të themelimit të saj.

Neni 3

Transferimi i të drejtës së pronësisë të këtyre aksio neve, pronë e shtetit shqiptar, të Bankës së

Bashkuar të Shqipërisë, tek aksionerët e kësaj banke të kryhet vetëm pas vlerësimit të çmimit të

aksioneve nga një vlerësues i njohur ndërkombëtar, i përzgjedhur me tender të hapur ndërkombëtar.

Neni 4

1. Nëse shitja e aksioneve, pronë e shtetit shqiptar, të Bankës së Bashkuar të Shqipërisë nuk

realizohet brenda 12 muajve nga data e hyrjes në fuqi të këtij ligji, sipas parashikimeve të nenit 2 të

këtij ligji, Ministria e Financave ka të drejtën t'ia shesë ato, nëpërmjet tenderit të hapur, një investitori

strategjik të njohur në sektorin bankar, i cili ofron garanci financiare.