PËR RATIFIKIMIN E KONVENTËS NDËRKOMBËTARE TË OKB-SË “PËR MBROJTJEN E TË GJITHË PERSONAVE NGA ZHDUKJET ME FORCË”

Lloji: Ligj

Fletore Zyrtare: nr. 125, datë 2007-09-27

LIGJ

Nr.9802, datë 13.9.2007

PËR RATIFIKIMIN E KONVENTËS NDËRKOMBËTARE TË OKB-SË “PËR MBROJTJEN E TË GJITHË PERSONAVE NGA ZHDUKJET ME FORCË”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa Ndërkombëtare e OKB-së “Për mbrojtjen e të gjithë personave nga zhdukjet me forcë”, bërë në Paris më 20 dhjetor 2006.

Neni 2

Në zbatim të nenit 31 të kësaj Konvente, Republika e Shqipërisë deklaron se njeh kompetencën e Komitetit të Zhdukjeve me Forcë, për të pranuar dhe shqyrtuar komunikimet e paraqitura nga personat ose për llogari të personave, në juridiksionin e tij, të cilët ankohen se janë viktima të shkeljes së dispozitave të kësaj Konvente nga shteti shqiptar.

Neni 3

Në zbatim të nenit 32 të kësaj Konvente, Republika e Shqipërisë deklaron se njeh kompetencën e Komitetit të Zhdukjeve me Forcë, për të pranuar dhe shqyrtuar komunikimet, ndërmjet të cilave një shtet palë pretendon se një shtet tjetër palë nuk i përmbush detyrimet e veta, sipas Konventës.

Neni 4

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5462, datë 19.9.2007 të Presidentit të Republikës së Shqipërisë, Bamir Topi

KONVENTA NDËRKOMBËTARE

E OKB-SË PËR MBROJTJEN E TË GJITHË PERSONAVE

NGA ZHDUKJET ME FORCË

HYRJE

Shtetet Palë të kësaj Konvente: