PËR RATIFIKIMIN E “MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KËSHILLIT FEDERAL ZVICERAN “PËR BASHKËPUNIMIN TEKNIK, FINANCIAR DHE HUMANITAR”

Lloji: Ligj

Fletore Zyrtare: nr. 125, datë 2007-09-27

LIGJ

Nr.9801, datë 13.9.2007

PËR RATIFIKIMIN E “MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KËSHILLIT FEDERAL ZVICERAN

“PËR BASHKËPUNIMIN TEKNIK, FINANCIAR DHE HUMANITAR””

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Këshillit të Ministrave të Republikës së Shqipërisë dhe Këshillit Federal Zviceran “Për bashkëpunimin teknik, financiar dhe humanitar””.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5461, datë 19.9.2007 të Presidentit të Republikës së Shqipërisë, Bamir Topi

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KËSHILLIT FEDERAL ZVICERAN MBI BASHKËPUNIMIN TEKNIK, FINANCIAR DHE HUMANITAR

Këshilli i Ministrave i Republikës së Shqipërisë dhe Këshilli Federal Zviceran (më pas të referuara si dy Qeveritë):

duke iu referuar lidhjeve të miqësisë ndërmjet dy vendeve;

me dëshirën për forcimin e mëtejshëm të këtyre lidhjeve dhe zhvillimin e një bashkëpunimi teknik dhe financiar të frytshëm ndërmjet të dy vendeve;

duke njohur që zhvillimi i këtij bashkëpunimi teknik dhe financiar do të kontribuojë në përmirësimin e kushteve sociale dhe ekonomike dhe në nxitjen e reformave politike, ekonomike dhe sociale në Shqipëri;