PËR RATIFIKIMIN E “MEMORANDUMIT TË MIRËKUPTIMIT PËR LEHTËSIMIN E TRANSPORTIT CIVIL JETËSOR NDËRKUFITAR”

Lloji: Ligj

Fletore Zyrtare: nr. 129, datë 2007-10-03

LIGJ

Nr.9805, datë 17.9.2007

PËR RATIFIKIMIN E “MEMORANDUMIT TË MIRËKUPTIMIT PËR LEHTËSIMIN E TRANSPORTIT CIVIL JETËSOR NDËRKUFITAR”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Memorandumi i mirëkuptimit për lehtësimin e transportit civil jetësor ndërkufitar”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5465, datë 28.9.2007 të Presidentit të Republikës së Shqipërisë, Bamir Topi

MEMORANDUM MIRËKUPTIMI

PËR LEHTËSIMIN E TRANSPORTIT CIVIL JETËSOR NDËRKUFITAR

Shtetet Palë në Traktatin e Atlantikut të Veriut dhe shtetet, të cilat kanë pranuar ftesën e Partneritetit për Paqe (PfP), të lëshuar e të nënshkruar nga krerët e shteteve dhe krerët e qeverive të shteteve anëtare të Organizatës së Traktatit të Atlantikut Verior në Bruksel, më 10 janar 1994 dhe që kanë nënshkruar Dokumentin Kuadër të Partneritetit për Paqe, të referuar më poshtë individualisht si Pjesëmarrësi dhe bashkërisht si Pjesëmarrësit:

të bindur për ngritjen e Këshillit Euroatlantik të Partneritetit, që siguron kuadrin gjithëpërfshirës për këshillime ndërmjet anëtarëve të tij;