PASQYRA E ORGANIKËS SË SHËRBIMIT TË GJENDJES CIVILE TË QARKUT TË VLORËS, PJESË E VENDIMIT NR.1299, DATË 16.12.2009, BOTUAR NË FLETOREN ZYRTARE NR.197/2009

Lloji: Ligj

Fletore Zyrtare: nr. 13, datë 2010-02-25

LIGJ

Nr.10 223, datë 4.2.2010

PËR RATIFIKIMIN E “MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KËSHILLIT TË MINISTRAVE TË BOSNJËS DHE HERCEGOVINËS PËR RIPRANIMIN E PERSONAVE ME QËNDRIM TË PARREGULLT”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Këshillit të Ministrave të Republikës së Shqipërisë dhe Këshillit të Ministrave të Bosnjës dhe Hercegovinës për ripranimin e personave me qëndrim të parregullt”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6424, datë 16.2.2010 të Presidentit të Republikës së Shqipërisë, Bamir Topi

MARRËVESHJE

NDËRMJET

KËSHILLIT TË MINISTRAVE TË REPUBLIKËS SË SHQIPËRISË

DHE KËSHILLIT TË MINISTRAVE TË BOSNJËS DHE HERCEGOVINËS

PËR RIPRANIMIN E PERSONAVE ME QËNDRIM TË PARREGULLT

Këshilli i Ministrave të Republikës së Shqipërisë dhe Këshilli i Ministrave të Bosnjës dhe Hercegovinës (të quajtura më poshtë "Palë Kontraktuese"),

Me dëshirën për të pasur marrëdhënie miqësore midis dy shteteve;

Me dëshirën për të bashkëpunuar në ripranimin e personave që kanë hyrë ose qëndrojnë në mënyrë të parregullt;