PËR DISA NDRYSHIME NË LIGJIN NR.7548, DATË 8.1.1992 "PËR SISTEMIN E TAKSAVE NË REPUBLIKËN E SHQIPËRISË"

Lloji: Ligj

Fletore Zyrtare: nr. 4, datë 1992-08-18

LIGJ

Nr.7588, datë 15.7.1992

PËR DISA NDRYSHIME NË LIGJIN NR.7548, DATË 8.1.1992 "PËR SISTEMIN E

TAKSAVE NË REPUBLIKËN E SHQIPËRISË"

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Në ligjin nr.7548, datë 8.1.1992 "Për sistemin e taksave në Republikën e Shqipërisë", të bëhen

këto ndryshime:

Neni 1

Në nenin 2 shtohen paragrafët që vijojnë:

"... taksë për kalimin e kufirit shtetëror të Republikës së Shqipërisë me avion";

"... taksë për pajisjen me dëshmi aftësie për drejtim automjeti";

"... taksë për shfrytëzimin e lëndës drusore";

"... taksë për fjetjen në hotele të të huajve";

"... taksë për pajisje me pasaportë lundrimi".

Neni 2

Në nenin 7 bëhen këto ndryshime:

1- "Për taksat lokale" pas shkronjës "b" shtohet një paragarf me këtë përmbajtje:

"Taksat e regjistrimit të personave juridikë a fizikë që paguhen në valutë të lirë derdhen në

llogarinë valutore të Drejtorisë së Tatimeve".

2- "Për taksat nacionale", pas shkronjës "f", shtohen:

"g" për kalimin e kufirit shtetëror të Republikës së Shqipërisë me avion për të udhëtuar në

shtetet e tjera, nga shtetasit e huaj paguhet një taksë prej 10 dollarë USA për çdo kalim dhe për

shtetasit shqiptarë 500 lekë për çdo kalim.