PËR SHËRBIMIN E ROJAVE CIVILE

Lloji: Ligj

Fletore Zyrtare: nr. 5, datë 1993-05-18

LIGJ

Nr.7696, datë 7.4.1993

PËR SHËRBIMIN E ROJAVE CIVILE

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese", me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

Neni 1

Në Republikën e Shqipërisë krijohet shërbimi i rojave civile.

Neni 2

Shërbimi i rojave civile ka për detyrë ruajtjen e objekteve në pronësi ose në përdorim të

personave juridikë a fizikë, shqiptarë a të huaj, ruajtjen e rendit në këto objek te dhe sigurimin e jetës

së personelit e të vlerave pasurore të tyre gjatë lëvizjeve.

Neni 3

Shërbimi i rojave civile organizohet nga firma private të krijuara posaçërisht për këtë qëllim,

të pajisur me licencë nga organet e rendit publik, që veprojnë vetëm në njësi të caktuara administrative

territoriale. Ai kryhet edhe nga persona privatë, pa bërë pjesë në firmë, të pajisur me licencë nga

organet e rendit publik.

Neni 4

Numri i efektivit të rojave civile që punëson një firmë, përcaktohet në marrëveshje me organet

e rendit publik, por gjithnjë më pak se 5 për qind e gjithë efektivit të policisë së rendit të njësisë

administrative ku vepron.

Firma e shërbimit të rojave civile i përzgjedh vetë ata që duan të punojnë si roja civile dhe ua

kalon për miratim organeve të rendit publik për dhënien e lejes (licencës) së ushtrimit të profesionit.