PËR STATUSIN E ISH-TË DËNUARVE DHE TË PËRNDJEKURVE POLITIKË NGA SISTEMI KOMUNIST

Lloji: Ligj

Fletore Zyrtare: nr. 10, datë 1993-08-07

LIGJ

Nr.7748, datë 29.7.1993

PËR STATUSIN E ISH-TË DËNUARVE DHE TË PËRNDJEKURVE

POLITIKË NGA SISTEMI KOMUNIST

Në mbështetje të nenit 16 të të ligjit nr.7491, datë 29.4.1991 "Për dispozitat kryesore

kushtetuese", me propozim të Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOSI:

PËRKUFIZIME

Neni l

Statusi i ish -të dënuarve dhe të përndjekurve politikë që më poshtë quhet "status" përmban

kriteret dhe kushtet themelore që një person të quhet i dënuar apo i përndjekur politik, si dhe përcakton

të drejtat dhe detyrimet që rrjedhin prej tij në përputhje me shkallën e persekutimit.

Neni 2

Përndjekje politike, që më poshtë do të quhet "përndjekje", quhet çdo veprim ose mosveprim i

kryer që nga data 8.11.1941 deri më datën 22.3.1992 nga ana e çdo formacioni ose individi të

armatosur, e Ushtrisë Nacionalçlirimtare, e sigurimit të shtetit, e policisë, e ushtrisë apo nga ana e

organeve të pushtetit lokal me urdhër ose vendim të organeve partiake, luftarake, shtetërore apo të

gjykatave të komunistëve shqiptarë, kur ky veprim ose mosveprim ka shkaktuar humbjen e jetës, të

lirisë, të të drejtave qytetare, cilësimin kulak, i deklasuar, si dhe çdo privim tjetër nga pjesëmarrja në

jetën politike, ekonomike dhe shoqërore të individit për h ir të bindjeve apo qëndrimit të tij politik a

fetar.

KATEGORIZIMET E ISH-TË DËNUARVE E TË PERSEKUTUARVE POLITIKË

Neni 3