PËR PËRJASHTIMIN NGA TAKSAT DHE TATIMET TË NDIHMAVE HUMANITARE DHE TË EMERGJENCËS

Lloji: Ligj

Fletore Zyrtare: nr. 5, datë 1997-04-29

LIGJ

Nr.8210, datë 23.4.1997

PËR PËRJASHTIMIN NGA TAKSAT DHE TATIMET TË NDIHMAVE HUMANITARE

DHE TË EMERGJENCËS

Në mbështetje të nenit 16 të ligjit nr.7491, datë 29.4.1991 "Për dispozitat kryesore

kushtetuese" me propozimin e Këshillit të Ministrave

KUVENDI POPULLOR

I REPUBLIKËS SË SHQIPËRISË

VENDOSI:

Neni 1

Për periudhën e stabilizimit të rendit e të qetësisë të përjashtohen nga taksat doganore dhe të

konsiderohen furnizime të përjashtuara nga pagimi i tatimit të vlerës së shtuar:

1. Ndihmat humanitar e ushqimore që jepen falas nga individë a grupe individësh, shoqata,

shtete dhe organizata qeveritare ose joqeveritare, kombëtare ose ndërkombëtare, dhe kur përfituesit e

tyre janë organet e shtetit shqiptar, Kryqi i Kuq Shqiptar ose organizata shqiptare jofitimprurëse, dhe

nuk do të shiten në treg.

2. Ndihmat në pajisje mjekësore e medikamente që jepen falas nga individë a grupe

individësh, shoqata, shtete dhe organizata qeveritare ose joqeveritare, kombëtare ose ndërkombëtare,

në rastet kur përfituesit e tyre janë organet e shtetit shqiptar ose institucione shtetërore shëndetësore,

dhe nuk do të shiten në treg.

3. Ndihmat në materiale e pajisje që jepen falas nga individi a grupe individësh, shoqata,

shtete dhe organizata qeveritare ose joqeveritare, kombëtare ose ndërkombëtare, kur përfitues janë