PËR KONTROLLIN E LARTË TË SHTETIT

Lloji: Ligj

Fletore Zyrtare: nr. 20, datë 1998-01-07

LIGJ

Nr. 8270, datë 23.12.1997

PËR KONTROLLIN E LARTË TË SHTETIT

Në mbështetje të nenit 23 të ligjit nr.7491, datë 29.4.1991 "Për dispozitat kryesore

kushtetuese", me propozimin e një grupi deputetësh të Komisionit të Përhershëm të Ekonomisë,

Financave dhe të Privatizimit

KUVENDI POPULLOR

I REPUBLIKËS SË SHQIPËRISË

VENDOS I:

KREU I

DISPOZITA TE PERGJITHSHME

Neni 1

Ky ligj ka të bëjë me objektivat, detyrat, organizimin dhe kompetencat e Kontrollit të Lartë të

Shtetit të Republikës së Shqipërisë (më poshtë Kontrolli i Lartë i Shtetit).

Kontrolli i Lartë i Shtetit është një organ i depolitizuar dhe i departizuar. Kontrolli i Lartë i

Shtetit është një organizëm i pavarur kontrolli i Republikës së Shqipërisë. Në ushtrimin e

kompetencave të tij ai i nënshtrohet vetëm kushtetutës dhe ligjit.

Neni 2

Kontrolli i Lartë i Shtetit, në përputhje me legjislacionin dhe standardet ndërkombëtare të

kontrollit të përpunuar nga INTOSAI, kontrollon administrimin e pronës shtetërore dhe zbatimin e

buxhetit të shtetit në subjektet e përcaktuara me këtë ligj.

Kontrolli mbulon çështjet e rregullshmërisë, të administrimit financiar dhe vlerësues.

Neni 3

Mjetet financiare të Kontrollit të Lartë të Shtetit përballohen nga buxheti i shtetit, ku Kontrolli

i Lartë i Shtetit ka një kapitull të veçantë.

Projektbuxheti propozohet nga Kontrolli i Lartë i Shtetit në Komisionin e Përhershëm të