për policinë e burgjeve

Lloji: Ligj

Fletore Zyrtare: nr. 10, datë 1998-05-06

LIGJ

Nr.8321, datë 2.4.1998

PËR POLICINË E BURGJEVE

Në mbështetje të nenit 16 të ligjit nr.7491, datë 29.4.1991 “Për dispozitat kryesore

kushtetuese”, me propozimin e Këshillit të Ministrave,

KUVENDI POPULLOR

I REPUBLIKËS SË SHQIPËRISË

VENDOS I:

KREU I:

I. DETYRAT DHE FUNKSIONET E POLICISË SË BURGJEVE

Neni 1

Policia e Burgjeve është strukturë e armatosur pranë Drejtorisë së Përgjithshme të Burgjeve

në varësi të Ministrisë së Drejtësisë.

Policia e Burgjeve i kryen detyrat e saj mbështetur në këtë ligj, në aktet nënligjore të dalë në

zbatim të tij dhe në rregulloren e Policisë së Burgjeve.

Policia e Burgjeve i realizon detyrat dhe funksionet e saj, duke respektuar të drejtat dhe liritë e

garantuara me ligj të personave të dënuar me burgim.

Policia e Burgjeve gëzon të gjitha të drejtat që parashikon ligji nr.7496, datë 3.7.1991 “Për

statusin e ushtarakut të Forcave të Armatosura në Republikën e Shqipërisë”.

Neni 2

Organizimi dhe rregullat e brendshme

Organizimi i brendshëm i Policisë së Burgjeve, kompetencat, rregullat e shërbimit dhe të

disiplinës dhe përgjegjësia përkatëse përcaktohen me rregulloren e brendshme të Policisë së Burgjeve,

miratuar nga ministri i Drejtësisë.

Neni 3

Detyrat e Policisë së Burgjeve

Policia e Burgjeve garanton ruajtjen e vendeve të vuajtjes së dënimit me burgim dhe zbatimin

e rregullave të brendshme në to.