PËR STANDARDIZIMIN

Lloji: Ligj

Fletore Zyrtare: nr. 10, datë 1999-04-06

LIGJ

Nr.8464, datë 11.3.1999

PËR STANDARDIZIMIN

Në mbështetje të neneve 78 e 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

PËRCAKTIME TË PËRGJITHSHME DHE PËRKUFIZIME

Neni 1

Ky ligj vendos rregulla për procedurat e hartimit e të miratimit të standardeve shqiptare

dhe për përcaktimin e statusit të tyre, akreditimit të laboratorëve të provave, organizmave

certifikuese të produkteve, sistemeve të cilësisë, personelit dhe organizmave inspektues,

certifikimit të produkteve, proceseve, shërbimeve dhe sistemeve të cilësisë dhe personelit, me

qëllim që të sigurohet një nivel i caktuar cilësie, me përjashtim të rasteve kur në ligj përcaktohet

ndryshe.

Neni 2

Në kuptimin e këtij ligji termat e mëposhtme kanë kuptimin që vijon:

Me “Standardizim” kuptohet veprimtaria për përcaktimin e standardeve, me mbështetjen

dhe pjesëmarrjen e të gjithë atyre, që janë të interesuar dhe që ju përkasin.

Me “Standard” kuptohet një spec ifikim teknik, i miratuar nga organizmi kombëtar i

standardizimit, për përdorim të vazhdueshëm, zbatimi i të cilit nuk është i detyrueshëm

(përjashtuar periudhën e caktuar në nenet 11 dhe 16) dhe që shërben si dokument për arritjen e

nivelit të caktuar të cilësisë.

Me “Akreditim” kuptohet procedura e dhënies së besimit specialistit, laboratorit të