PËR RATIFIKIMIN E KONVENTËS KONSULLORE NDËRMJET REPUBLIKËS SË SHQIPËRISË DHE REPUBLIKËS SË KROACISË

Lloji: Ligj

Fletore Zyrtare: nr. 17, datë 1999-07-15

LIGJ

Nr.8475, datë 14.4.1999

PËR RATIFIKIMIN E KONVENTËS KONSULLORE NDËRMJET REPUBLIKËS SË

SHQIPËRISË DHE REPUBLIKËS SË KROACISË

Në mbështetje të neneve 78, 83 pika 1 e 121 të Kushtetutës dhe të ligjit nr.8371, datë

9.7.1998 “Për lidhjen e traktateve dhe marrëveshjeve ndërkombëtare” me propozimin e Këshillit

të Ministrave

KUVENDI

I REPUBLIKËS SË SHQIPËRISË

VENDOS I:

Neni 1

Ratifikohet Konventa Konsullore ndërmjet Republikës së Shqipërisë dhe Republikës së

Kroacisë, nënshkruar më 14.9.1996.

Neni 2

Ky ligj hyn në fuqi 15 ditë pas botimit në Fletoren Zyrtare.

KONVENTË KONSULLORE NDËRMJET REPUBLIKËS SË SHQIPËRISË DHE

REPUBLIKËS SË KROACISË

Republika e Shqipërisë dhe Republika e Kroacisë,

Me dëshirën për të forcuar miqësinë dhe për të thelluar bashkëpunimin e frytshëm

reciprok,

Të nisur nga dëshira për rregullimin dhe përparimin e marrëdhënieve konsullore ndërmjet

dy shteteve në përputhje me parimet e lehtësimit sa më të madh të mbrojtjes së të drejtave dhe

interesave të shtetasve të tyre;

Vendosën të lidhin Konventën Konsullore dhe u morën vesh si më poshtë:

KREU I PARË

PËRKUFIZIME

Neni 1

1. Për qëllimet e kësaj Konvente, shprehjet e mëposhtme do të kuptohen siç përcaktohet

më poshtë:

(1) “Përfaqësi Konsullore” tregon çdo konsullatë të përgjithshme, konsullatë, nën-

konsullatë ose agjenci konsullore;