PËR UJITJEN DHE KULLIMIN

Lloji: Ligj

Fletore Zyrtare: nr. 24, datë 1999-09-13

LIGJ

Nr.8518, datë 30.7.1999

PËR UJITJEN DHE KULLIMIN

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave

KUVENDI

I REPUBLIKËS SË SHQIPËRISË

VENDOS I:

KREU I

DISPOZITA TË PËRGJITHSHME

Neni 1

Qëllimi i ligjit

Ky ligj ka për qëllim:

a) të përcaktojë kuadrin ligjor për krijimin dhe funksionimin e shoqatave të përdoruesve

të ujit, të federatave, të shoqatave të përdoruesve të ujit dhe të bordeve të kullimit;

b) të përcaktojë kuadrin institucional që t’i shërbejë një politike kombëtare për ujitjen,

kullimin, mbrojtjen nga përmbytja dhe erozioni;

c) të përcaktojë të drejtat dhe detyrat e personave fizikë dhe juridikë që merren me

ujitjen, kullimin dhe mbrojtjen nga përmbytja dhe erozioni;

ç) të rregullojë transferimin e të drejtave të përdorimit të sistemeve të ujitjes shoqatave të

përdoruesve të ujit dhe federatave të shoqatave të përdoruesve të ujit;

d) të rregullojë transferimin e të drejtave të përdorimit të sistemeve të kullimit dhe të

veprave të mbrojtjes nga përmbytja tek bordet e kullimit.

Neni 2

Përkufizime

Në kuptimin e këtij ligji termat kanë këto kuptime:

“Shoqatë” është bashkësia e individëve përdorues të ujit, e krijuar në përputhje me

dispozitat e këtij ligji dhe të Kodit Civil të Republikës së Shqipërisë.

“Mbledhja e shoqatës” është organi kryesor vendimmarrës i shoqatës.