PËR SIGURIMIN SHOQËROR SUPLEMENTAR TË PUNONJËSVE TË POLICISË SË SHTETIT

Lloji: Ligj

Fletore Zyrtare: nr. 31, datë 2000-06-10

LIGJ

Nr.8661, datë 18.9.2000

PËR SIGURIMIN SHOQËROR SUPLEMENTAR TË PUNONJËSVE TË POLICISË SË SHTETIT

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

PJESA E PARË

DISPOZITA TË PËRGJITHSHME

Neni 1

Ky ligj u garanton punonjësve të Policisë së Shtetit, që ndodhen në karrierë me hyrjen në fuqi të ligjit nr.8553, datë 25.11.1999 “Për Policinë e Shtetit”, dhe pjesëtarëve të familjeve të tyre përfitime suplementare mbi ato të përcaktuara në ligjin nr.7703, datë 11.5.1993 “Për sigurimet shoqërore në Republikën e Shqipërisë”.

Për efekt të përfitimeve nga ky ligj, punonjës të Policisë së Shtetit janë: punonjësit aktivë, në dispozicion, të pezulluar, me pagesë kalimtare, në pension, studentë, kursantë dhe ushtarë (ndihmësagjentë), me përjashtim të rasteve kur në këtë ligj përcaktohen ndryshe.

Neni 2

Përfitimet suplementare, që jepen sipas këtij ligji, garantohen nga Buxheti i Shtetit.

Llogaritja, caktimi dhe pagimi i përfitimeve bëhet nga strukturat e Institutit të Sigurimeve Shoqërore, me përjashtim të përfitimeve të përcaktuara në nenet 6, 7, 8, 9, 10 dhe 11 të këtij ligji, të cilat zbatohen nga strukturat e Ministrisë së Rendit Publik.

Neni 3

Kontributet