PËR REGJISTRIMIN, KLASIFIKIMIN, MËNYRËN E PËRDORIMIT DHE KONTROLLIN E MJETEVE LUNDRUESE ME MOTOR, ME TONAZH NËN 20 NT

Lloji: Ligj

Fletore Zyrtare: nr. 31, datë 2000-06-10

LIGJ

Nr.8663 , datë 18.9.2000

PËR REGJISTRIMIN, KLASIFIKIMIN, MËNYRËN E PËRDORIMIT DHE KONTROLLIN E MJETEVE LUNDRUESE ME MOTOR, ME TONAZH NËN 20 NT

Në mbështetje të neneve 78 e 83 pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

PJESA E PARË

Neni 1

Qëllimi

Ky ligj rregullon mënyrën e regjistrimit, të klasifikimit, të përdorimit dhe të kontrollit të mjeteve lundruese me motor, me tonazh neto të regjistrit nën njëzet ton (20NT) dhe ka për qëllim disiplinimin e përdorimit dhe sigurimin e kontrollit të këtyre mjeteve.

Neni 2

Përkufizimi i mjetit lundrues

Në kuptim të këtij ligji, me mjet lundrues kuptojmë mjetin lundrues me motor, me tonazh nën 20 NT, që ka një fuqi të përgjithshme të motorit ose të motorëve më të lartë se 30 kilovatë/orë ose 40,8 kuaj/fuqi HP, të klasifikuar si të tillë nga Regjistri Detar Shqiptar ose nga institucionet korresponduese të shteteve të tjera.

Neni 3

Fusha e zbatimit

1. Ky ligj zbatohet për mjetet lundruese, objekt i këtij ligji, që mund të përdoren në det, në liqene dhe në lumenj.

2. Ky ligj nuk zbatohet për mjetet lundruese në përdorim të forcave të armatosura, të kapitenerisë së porteve, të forcave të policisë, të doganave dhe të organeve të tjera të parashikuara me ligj.

3. Ky ligj nuk zbatohet edhe për mjetet e përcaktuara vetëm për peshkim, për të cilat zbatohen ligjet në fuqi.

PJESA E DYTË

Neni 4