PËR RATIFIKIMIN E “KONTRATËS PËR BLERJEN E AKSIONEVE TË SHOQËRISË ANONIME AMC”

Lloji: Ligj

Fletore Zyrtare: nr. 31, datë 2000-06-10

LIGJ

Nr.8660, datë 18.9.2000

PËR RATIFIKIMIN E “KONTRATËS PËR BLERJEN E AKSIONEVE TË SHOQËRISË ANONIME AMC”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Kontrata për blerjen e aksioneve të shoqërisë anonime AMC”, lidhur ndërmjet Ministrisë së Ekonomisë Publike dhe Privatizimit dhe konsorciumit Cosmote/Telenor, i klasifikuar i pari në tenderin për AMC-në.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2749, datë 22.9.2000, të Presidentit të Republikës së Shqipërisë, Rexhep Meidani.

Kontratë për Blerje Aksionesh

Korrik 25,2000

Kjo kontratë lidhet më 25 korrik 2000

midis

Ministrisë së Ekonomisë Publike dhe Privatizimit të Republikës së Shqipërisë, me seli në Tiranë, Sheshi Skënderbej, e përfaqësuar nga Shkëlqesia e Tij, Ministri Mustafa Muçi (më poshtë referuar si “Shitësi”)

dhe

Z. Evangelos Martigopoulos dhe Z. Ivar Sliper (më poshtë “Nënshkruesit”), për dhe në emër të Cosmoholding - Albania S.A., një shoqëri në formim e sipër sipas të drejtës së Greqisë, (më poshtë “Blerësi), aksionerët e së cilës janë Cosmote Mobile Telecommunications S.A. dhe Telenor International AS.

Meqënëse ekzistojnë këto Kushte Paraprake