Për një ndryshim dhe disa shtesa në ligjin nr. 9632, datë 30.10.2006, "Për sistemin e taksave vendore", të ndryshuar

Lloji: Ligj

Fletore Zyrtare: nr. 116, datë 2023-08-03

LIGJ

Nr. 67/2023

PËR NJË NDRYSHIM DHE DISA SHTESA NË LIGJIN NR. 9632, DATË 30.10.2006,

“PËR SISTEMIN E TAKSAVE VENDORE”, TË NDRYSHUAR

Në mbështetje të neneve 81, pika 1, 83, pika 1, dhe 155 të Kushtetutës, me propozimin e një

deputeti,

KUVENDI

I REPUBLIKËS SË SHQIPËRISË

VENDOSI:

Në ligjin nr. 9632, datë 30.10.2006, “Për sistemin e taksave vendore”, të ndryshuar, bëhet një

ndryshim dhe disa shtesa si më poshtë:

Neni 1

Në nenin 27, pika 3, bëhet ndryshimi dhe shtesa si më poshtë:

1. Në shkronjën “a” fjala “bujqësore” hiqet.

2. Pas shkronjës “a” shtohet shkronja “a/1” me këtë përmbajtje:

“a/1. Për ndërtimin e strukturave që destinohen për përdorim në sektorin bujqësor dhe blegtoral

dhe për objektet sportive sipas përcaktimeve në legjislacionin në fuqi për sportin, taksa e ndikimit në

infrastrukturë është jo më shumë se 1 (një) për qind e vlerës së investimit, ndërsa për Bashkinë e

Tiranës është jo më shumë se 2 (dy) për qind e saj.”.

Neni 2

Në nenin 36/1 shtohet një paragraf i ri me këtë përmbajtje:

“Për subjektet që janë në proces aplikimi për t’u pajisur me leje ndërtimi për ndërtimin e strukturave

që destinohen për përdorim në sektorin bujqësor dhe blegtoral dhe për objektet sportive sipas

përcaktimeve në legjislacionin në fuqi për sportin, taksa e ndikimit në infrastrukturë është jo më shumë

se 1 (një) për qind e vlerës së investimit, ndërsa për Bashkinë e Tiranës është jo më shumë se 2 (dy) për

qind e saj.”