PËR RATIFIKIMIN E “MARRËVESHJES SË HIPOTEKIMIT PËR NDËRTIMIN E HIDROCENTRALIT TË BUSHATIT”

Lloji: Ligj

Fletore Zyrtare: nr. 19, datë 2001-05-04

LIGJ

Nr.8762, datë 2.4.2001

PËR RATIFIKIMIN E “MARRËVESHJES SË HIPOTEKIMIT PËR NDËRTIMIN E HIDROCENTRALIT TË BUSHATIT”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI :

Neni 1

Ratifikohet “Marrëveshja e hipotekimit ndërmjet Ministrisë së Ekonomisë Publike dhe Privatizimit dhe bankës kineze “EXIM Bank” për ndërtimin e Hidrocentralit të Bushatit”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.2965, datë 9.4.2001 të Presidentit të Republikës së Shqipërisë,

Rexhep Meidani

MARRËVESHJE HIPOTEKIMI

Në rastin kur:

Banka Eksport-Import e Kinës (e paraqitur si “EXIM Bank”) ka rënë dakord që me anë të një Marrëveshje Kredie të Blerësit të datës 9 shkurt 2001 (që sot e tutje e cilësuar si “Marrëveshja e Kredisë”), të japë një kredi lehtësuese deri në shumën 119,728,000.00 USD (njëqind e nëntë mbëdhjetë milion e shtatëqind e njëzet e tetëmijë USD) në dispozicion të Qeverisë së Republikës së Shqipërisë (që sot e tutje e cilësuar si Humarrësi), e përfaqësuar nga Ministria e saj e Financës;