Për trajtimin e veçantë të studentëve që ndjekin programin e integruar të studimit të ciklit të dytë "Mjeksi e përgjithshme" në institucionet publike të arsimit të lartë

Lloji: Ligj

Fletore Zyrtare: nr. 123, datë 2023-08-16

LIGJ

Nr. 60/2023

PËR TRAJTIMIN E VEÇANTË TË STUDENTËVE QË NDJEKIN PROGRAMIN

E INTEGRUAR TË STUDIMIT TË CIKLIT TË DYTË “MJEKËSI E

PËRGJITHSHME” NË INSTITUCIONET PUBLIKE TË ARSIMIT TË LARTË

Në mbështetje të neneve 78 dhe 83 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Objekti

Ky ligj përcakton rregulla të veçanta për trajtimin e studentëve që ndjekin programin e integruar të

studimit të ciklit të dytë “Mjekësi e përgjithshme” në institucionet publike të arsimit të lartë sipas

parashikimeve të legjislacionit në fuqi për arsimin e lartë.

Neni 2

Qëllimi

Ky ligj synon sigurimin e burimeve njerëzore për kryerjen e shërbimeve të shëndetit publik në

institucionet shëndetësore në Republikën e Shqipërisë nëpërmjet përcaktimit të rregullave për trajtimin

e veçantë të studentëve që ndjekin programin e integruar të studimit të ciklit të dytë “Mjekësi e

përgjithshme” në institucionet publike të arsimit të lartë.

Neni 3

Përkufizime

Në kuptim të këtij ligji, me termat e mëposhtëm nënkuptojmë:

1. “Trajtimi i veçantë” përfshin punësimin me prioritet të studentit që ndjek programin e integruar

të studimit të ciklit të dytë “Mjekësi e përgjithshme” në institucionet publike të arsimit të lartë, si dhe

përfitimin nga programet sociale të strehimit.

2. “Punësim me prioritet” është nisma për t’i dhënë përparësi punësimit në institucionet e shërbimit