Për ratifikimin e “Traktatit të miqësisë dhe bashkëpunimit ndërmjet Republikës së Shqipërisë dhe Mbretërisë së Spanjës”..

Lloji: Ligj

Fletore Zyrtare: nr. 8, datë 2002-04-05

LIGJ

Nr. 8866, datë 14.3.2002

PËR RATIFIKIMIN E “TRAKTATIT TË MIQËSISË DHE BASHKËPUNIMIT NDËRMJET REPUBLIKËS SË SHQIPËRISË DHE MBRETËRISË SË SPANJËS”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Traktati i miqësisë dhe bashkëpunimit ndërmjet Republikës së Shqipërisë dhe Mbretërisë së Spanjës”, nënshkruar në Tiranë më 22.11.2001.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3273, datë 19.3.2002 të Presidentit të Republikës së Shqipërisë, Rexhep Meidani

TRAKTATI

I MIQËSISË DHE BASHKËPUNIMIT MIDIS REPUBLIKËS SË SHQIPËRISË DHE MBRETËRISË SË SPANJËS

Republika e Shqipërisë dhe Mbretëria e Spanjës, të quajtura më poshtë Palë Kontraktuese:

Të frymëzuara nga ndjenja të thella miqësie dhe respekti të ndërsjellë midis dy popujve,

Të angazhuara vendosmërisht në detyrën për të kontribuar në vendosjen e një rendi ndërkombëtar më të drejtë, human, paqësor dhe demokratik,

Të ndërgjegjshëm për përgjegjësinë e tyre për ruajtjen e paqes në Europë dhe në botë dhe të vendosura të zbatojnë qëllimet dhe parimet e Kartës së Kombeve të Bashkuara,

Dhe

Duke ritheksuar besnikërinë e tyre ndaj angazhimeve që rrjedhin nga e drejta ndërkombëtare,