Për aderimin e Republikës së Shqipërisë në “Konventën e Kombeve të Bashkuara për substancat psikotrope”

Lloji: Ligj

Fletore Zyrtare: nr. 79, datë 2002-12-08

LIGJ

Nr. 8965, datë 7.11.2002

PËR ADERIMIN E REPUBLIKËS SË SHQIPËRISË NË “KONVENTËN E KOMBEVE TË BASHKUARA PËR SUBSTANCAT PSIKOTROPE”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Konventën e Kombeve të Bashkuara për substancat psikotrope”, 1971.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3582, datë 4.12.2002 të Presidentit të Republikës së Shqipërisë,

Alfred Moisiu

KONVENTA

MBI SUBSTANCAT PSIKOTROPE, 1971

Përfshirë Aktin Final dhe Rezolucionet e miratuara nga Konferenca e Kombeve të Bashkuara për adaptimin e protokollit mbi substancat psikotrope dhe listat e aneksuara të kësaj Konvente

KOMBET E BASHKUARA

AKTI FINAL I KONFERNCËS SË KOMBEVE TË BASHKUARA PËR ADAPTIMIN E PROTOKOLLIT MBI SUBSTANCAT PSIKOTROPE

1. Këshilli Social Ekonomik i Kombeve të Bashkuara, në lidhje me nenin 62 paragrafi 4 të kapitullit të Kombeve të Bashkuara dhe me parashikimet e Rezolutës së Asamblesë së Përgjithshme 366 (IV) të 3 dhjetorit 1949, vendosi sipas rezolutës 1474 (XLVIII) për të mbajtur një konferencë të të plotfuqishmëve për adaptimin e një protokolli mbi substancat psikotrope.

2. Konferenca e Kombeve të Bashkuara për adaptimin e protokollit mbi substancat psikotrope u mbajt në Vjenë nga 11 janar, deri në 21 shkurt 1971.