Për disa ndryshime dhe shtesa në ligjin nr.8402, datë 10.9.1998, "Për kontrollin dhe disiplinimin e punimeve të ndërtimit", të ndryshuar

Lloji: Akt normativ

Fletore Zyrtare: nr. 178, datë 2025-10-06

AKT NORMATIV

Nr. 7, datë 1.10.2025

PËR DISA NDRYSHIME DHE SHTESA NË LIGJIN NR. 8402, DATË 10.9.1998,

“PËR KONTROLLIN DHE DISIPLINIMIN E PUNIMEVE TË NDËRTIMIT”, TË

NDRYSHUAR

Në mbështetje të nenit 101 të Kushtetutës, me propozimin e zëvendëskryeministrit dhe ministër i

Infrastrukturës dhe Energjisë, Këshilli i Ministrave

VENDOSI:

Në ligjin nr. 8402, datë 10.9.1998, “Për kontrollin dhe disiplinimin e punimeve të ndërtimit”, të

ndryshuar, bëhen ndryshimet dhe shtesat e mëposhtme:

Pika 14, e nenit 3, ndryshohet, si më poshtë vijon:

Neni 1

“14. “Zhvillues” është çdo person fizik ose juridik, që investon dhe realizon një zhvillim sipas lejes

së miratuar nga organi përgjegjës.”.

Neni 2

Pas pikës 2, të nenit 7, shtohet pika 3, me këtë përmbajtje:

“3. Mbikëqyrësit/grupit të mbikëqyrësve të punimeve i shtohet në çdo rast arkitekti, i cili ka hartuar

projektin ose një arkitekt i përzgjedhur nga zhvilluesi.”.

Neni 3

Në nenin 7/1 bëhen këto ndryshime:

1. Në pikën 1, fjalët “... Inspektoratin Vendor të Mbrojtjes së Territorit të bashkisë.” zëvendësohen

me “... autoritetin përgjegjës për inspektimin në nivel qendror e vendor dhe Sekretariatin Teknik të

Këshillit Kombëtar të Territorit dhe Ujit (KKTU) për lejet e ndërtimit në kompetencë të KKTU-së.”.

2. Në pikën 2, fjalët “... autoritetin përgjegjës të planifikimit ... “ zëvendësohen me “... autoritetin

përgjegjës të zhvillimit ...”.