PËR ADERIMIN E REPUBLIKËS SË SHQIPËRISË NË “KONVENTËN PËR PRIVILEGJET DHE IMUNITETET E AGJENCIVE TË SPECIALIZUARA” DHE ANEKSET E SAJ

Lloji: Ligj

Fletore Zyrtare: nr. 69, datë 2003-08-08

LIGJ

Nr.9105, datë 17.7.2003

PËR ADERIMIN E REPUBLIKËS SË SHQIPËRISË NË “KONVENTËN PËR PRIVILEGJET DHE IMUNITETET E AGJENCIVE TË SPECIALIZUARA” DHE ANEKSET E SAJ

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Konventën për privilegjet dhe imunitetet e agjencive të specializuara” dhe anekset e saj.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.3919, datë 30.7.2003 të Presidentit të Republikës së Shqipërisë, Alfred Moisiu

KONVENTA

MBI PRIVILEGJET DHE IMUNITETET E AGJENCIVE TË SPECIALIZUARA

(MIRATUAR NGA ASAMBLEJA E PËRGJITHSHME E KOMBEVE TË BASHKUARA MË 21 NËNTOR 1947)

Ndërsa Asambleja e Përgjithshme e Kombeve të Bashkuara miratoi më 13 shkurt 1946 një rezolutë që parashikonte unifikimin sa më të madh të mundshëm të privilegjeve dhe imuniteteve që gëzojnë Kombet e Bashkuara dhe agjencitë e ndryshme të specializuara;

ndërsa janë zhvilluar konsultime ndërmjet Kombeve të Bashkuara dhe agjencive të specializuara lidhur me zbatimin e rezolutës së sipërpërmendur;