PËR RATIFIKIMIN E "MARRËVESHJES FINANCIARE, NDËRMJET QEVERISË SË REPUBLIKËS TË SHQIPËRISË DHE KOMISIONIT TË KOMUNITETEVE EUROPIANE, PËR PROGRAMIN VJETOR RAJONAL TË VEPRIMIT, "CARDS 2003""

Lloji: Ligj

Fletore Zyrtare: nr. 109, datë 2003-12-31

LIGJ

Nr.9156, datë 4.12.2003

PËR RATIFIKIMIN E "MARRËVESHJES FINANCIARE, NDËRMJET QEVERISË SË REPUBLIKËS TË SHQIPËRISË DHE KOMISIONIT TË KOMUNITETEVE EUROPIANE, PËR PROGRAMIN VJETOR RAJONAL TË VEPRIMIT, "CARDS 2003""

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja financiare, ndërmjet Qeverisë së Republikës të Shqipërisë dhe Komisionit të Komuniteteve Europiane, për programin vjetor rajonal të veprimit, "CARDS 2003"".

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4074, datë 28.12.2003 të Presidentit të Republikës së Shqipërisë, Alfred Moisiu

Bruksel,

AIDCO/A1/YSJ/D(2003) 298

92

Zj. Ermelinda Meksi

Zv/ Kryeministër

dhe Ministër Shteti për

Integrimin Europian

Republika e Shqipërisë

Lënda

Letër për përfitimin nga programi vjetor i veprimit CARDS 2003

E nderuar zonjë,

Kam kënaqësi t’ju dërgoj programin vjetor rajonal të veprimit CARDS 2003 për Shqipërinë, Bosnjën dhe Hercegovinën, Kroacinë, Serbinë e Malin e Zi (Republika e Serbisë, Kosova*, Republika e Malit të Zi) dhe ish-Republikën Jugosllave të Maqedonisë (IRJM), siç është miratuar nga Komisioni Europian në 16 korrik 2003 sipas Rregullores së Këshillit për Programin CARDS (EC) nr.2666/2000, ndryshuar nga Rregullorja e Këshillit (EC) nr.2415/2001 datë 10 dhjetor 2001.