PËR DISA SHTESA DHE NDRYSHIME NË LIGJIN NR.8438, DATË 28.12.1998 “PËR TATIMIN MBI TË ARDHURAT”, I NDRYSHUAR

Lloji: Ligj

Fletore Zyrtare: nr. 105, datë 2003-12-31

LIGJ

Nr. 9161, datë 18.12.2003

PËR DISA SHTESA DHE NDRYSHIME NË LIGJIN NR.8438, DATË 28.12.1998 “PËR TATIMIN MBI TË ARDHURAT”, I NDRYSHUAR

Në mbështetje të neneve 78, 83 pika 1 dhe 155 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI :

Në ligjin nr.8438, datë 28.12.1998 “Për tatimin mbi të ardhurat”, i ndryshuar, bëhen këto shtesa dhe ndryshime:

Neni 1

Në fund të nenit 4 shtohet shkronja “i” me këtë përmbajtje:

“i) të ardhura të tjera që nuk identifikohen në format e paraqitura në këtë nen.”.

Neni 2

Në fund të nenit 8 shtohen shkronjat “f” dhe “g” me këtë përmbajtje:

“f) të ardhurat e realizuara nga diferenca ndërmjet çmimit të shitjes dhe çmimit të blerjes së kuotave ose aksioneve, që një ortak ose aksioner zotëron dhe ia shet një personi tjetër;

g) të ardhura të tjera, që nuk identifikohen në format e paraqitura në këtë nen, të realizuara nga individë rezidentë ose nga persona jorezidentë, por me burim në Republikën e Shqipërisë.”.

Neni 3

Pas nenit 8 shtohet neni 8/1 me këtë përmbajtje:

“Neni 8/1

Të ardhura të përjashtuara

Përjashtohen nga tatimi mbi të ardhurat vetjake:

1. Të ardhurat e përfituara si rezultat i sigurimit në skemën e detyrueshme të sigurimeve shoqërore dhe shëndetësore, si dhe ndihmat ekonomike për individët pa të ardhura ose me të ardhura të ulëta, sipas përcaktimeve në legjislacionin përkatës në fuqi.