PËR RATIFIKIMIN E “MARRËVESHJES SË GRANTIT NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM PËR PROJEKTIN E MENAXHIMIT TË INTEGRUAR TË UJËRAVE DHE EKOSISTEMIT”

Lloji: Ligj

Fletore Zyrtare: nr. 54, datë 2004-08-11

LIGJ

Nr.9257, datë 15.7.2004

PËR RATIFIKIMIN E “MARRËVESHJES SË GRANTIT NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM PËR PROJEKTIN E MENAXHIMIT TË INTEGRUAR TË UJËRAVE DHE EKOSISTEMIT”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e grantit ndërmjet Këshillit të Ministrave të Republikës së Shqipërisë dhe Bankës Ndërkombëtare për Rindërtim dhe Zhvillim për projektin e menaxhimit të integruar të ujërave dhe ekosistemit”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4280, datë 26.7.2004 të Presidentit të Republikës së Shqipërisë, Alfred Moisiu

MARRËVESHJA

E GRANTIT TRUST FUND I GEF (FONDI GLOBAL PËR MJEDISIN)

(PROJEKTI PËR ADMINISTRIMIN E INTEGRUAR TË UJËRAVE DHE EKOSISTEMEVE) NDËRMJET SHQIPËRISË DHE BANKËS NDËRKOMBËTARE PËR RINDËRTIM DHE ZHVILLIM SI AGJENCI IMPLEMENTUESE E FONDIT GLOBAL TË MJEDISIT

Marrëveshja e datës 26 prill 2004, ndërmjet Shqipërisë (Marrësi) dhe Bankës Ndërkombëtare për Rindërtim dhe Zhvillim (Banka), që vepron si agjenci zbatuese e Global Environment Facility (GEF) për sa u përket fondeve të grantit të siguruara nga Trusti i Fondeve të GEF-it nga disa anëtarë të Bankës si pjesëmarrës të GEF-it.