PËR DISA SHTESA DHE NDRYSHIME NË LIGJIN NR.7796, DATË 17.2.1994,

Lloji: Ligj

Fletore Zyrtare: nr. 56, datë 2004-08-16

LIGJ

Nr.9261, datë 22.7.2004

PËR DISA SHTESA DHE NDRYSHIME NË LIGJIN NR.7796, DATË 17.2.1994,

“MINERAR I SHQIPËRISË”

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.7796, datë 17.2.1994 “Minerar i Shqipërisë”, bëhen këto shtesa dhe ndryshime:

Neni 1

Titulli i ligjit ndryshohet në “LIGJI MINERAR I SHQIPËRISË”.

Neni 2

Në nenin 3 bëhen ndryshimet si më poshtë:

1. ““Mineral” nënkupton çdo substancë të dobishme, në gjendje të ngurtë, të lëngët ose të

gaztë, që ndodhet në trajtë natyrore, mbi tokë ose nën tokë, në ujë ose nën ujë, në sterilet e minierave

të shfrytëzuara apo në dambat e fabrikave të pasurimit, skorjet e metalurgjisë së zezë dhe me ngjyrë, të

formuar prej proceseve gjeologjike, duke përjashtuar naftën, në gjendje të lëngët, gazin natyror, në

gjendje të gaztë dhe ujin, por duke përfshirë rërën, gurët, shkëmbinjtë, zhavorrin dhe argjilat.

Rërat, zhavoret, zhurët trajtohen, sipas këtij ligji, në rastet kur nuk përfshihen në përcaktimet e

bëra në ligjin nr.8093, datë 21.3.1996 “Për rezervat ujore””.

2. Pas emërimit “Mineral” shtohet një paragraf me këtë përmbajtje:

““Veprimtari minerare” nënkupton të gjitha punët, që lidhen me kërkimin, zbulimin,

zhvillimin, shfrytëzimin, përpunimin, tregtimin e produkteve minerare, si dhe kujdesin, mirëmbajtjen,