Për disa ndryshime në ligjin nr.8982, datë 12.12.2002 “Për sistemin e taksave vendore”, të ndryshuar

Lloji: Ligj

Fletore Zyrtare: nr. 105, datë 2005-12-31

LIGJ

Nr.9456, datë 21.12.2005

PËR DISA NDRYSHIME NË LIGJIN NR.8982, DATË 12.12.2002

“PËR SISTEMIN E TAKSAVE VENDORE”, TË NDRYSHUAR

Në mbështetje të neneve 78, 83 pika 1 dhe 155 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8982, datë 12.12.2002 “Për sistemin e taksave vendore” të ndryshuar, bëhen këto ndryshime:

Neni 1

Në nenin 19 bëhen këto ndryshime:

a) Aneksi nr.4 “Taksa vjetore për regjistrimin e përvitshën të mjeteve të transportit rrugor”, që i referohet pikës 2, zëvendësohet me aneksin 4, që i bashkëlidhet këtij ligji;

b) Pika 4 ndryshohet si më poshtë:

“4. E ardhura nga taksa, për çdo rast, mblidhet nga strukturat e Drejtorisë së Përgjithshme të Shërbimeve të Transportit Rrugor, drejtoritë rajonale, para kryerjes së kontrollit teknik vjetor të mjetit. Taksa derdhet për llogari të bashkisë ose të komunës, sipas vendbanimit ose selisë së pronarit të mjetit, brenda datës 10 të muajit pasardhës.”.

c) Pika 6 ndryshohet si më poshtë:

“6. Policia e Qarkullimit Rrugor kontrollon pagimin e kësaj takse nga zotëruesit e mjeteve dhe, kur vëren se nuk është paguar, zbaton një gjobë të barabartë me masën e taksës. Nëse taksa dhe/ose gjoba nuk paguhen brenda 10 ditëve, ajo bllokon mjetin deri në pagesën e tyre.”.

ç) Pika 7 ndryshohet si më poshtë: