Për disa ndryshime dhe shtesa në ligjin nr.8438, datë 28.12.1998 "Për tatimin mbi të ardhurat", të ndryshuar

Lloji: Ligj

Fletore Zyrtare: nr. 105, datë 2005-12-31

LIGJ

Nr.9458, datë 21.12.2005

PËR DISA NDRYSHIME DHE SHTESA NË LIGJIN NR.8438, DATË 28.12.1998 "PËR TATIMIN MBI TË ARDHURAT", TË NDRYSHUAR

Në mbështetje të neneve 78, 83 pika 1 dhe 155 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8438, datë 28.12.1998 "Për tatimim mbi të ardhurat", të ndryshuar, bëhen këto ndryshime dhe shtesa:

Neni 1

Tabela nr.l, që i bashkëlidhet ligjit nr.8438, datë 28.12.1998 "Për tatimin mbi të ardhurat", të ndryshuar, zëvendësohet me tabelën nr.l, që i bashkëlidhet këtij ligji.

Neni 2

Neni 12 "Fitimet nga lojërat e fatit dhe kazinotë" shfuqizohet.

Neni 3

Në nenin 13 pikat 3 e 4 shfuqizohen.

Neni 4

Në fund të nenit 18 "Përjashtimet" shtohet një paragraf me këtë përmbajtje:

"Të gjitha subjektet e përmendura në shkronjën "a" deri në shkronjën "ë" të këtij neni, pavarësisht nga përjashtimi nga pagimi i tatimit mbi fitimin, janë të detyruara të dorëzojnë në organet tatimore deklaratën tatimore dhe bilancin kontabël vjetor, në të njëjtat afate si subjektet, që i nënshtrohen tatimit mbi fitimin.".

Neni 5

Në nenin 22 pika 4 ndryshohet si më poshtë:

"4. Amortizimi për kostot e blerjes së aktiveve të patrupëzuara llogaritet veç për secilin aktiv, sipas metodës lineare, në masën 15 për qind.".

Neni 6

Neni 23 "Inventari" ndryshohet si më poshtë:

"Neni 23

Inventari