Për disa ndryshime dhe shtesa në ligjin nr. 75/2014 “Për shërbimin privat të sigurisë fizike”

Lloji: Ligj

Fletore Zyrtare: nr. 174, datë 2023-12-04

LIGJ

Nr. 90/2023

PËR DISA NDRYSHIME DHE SHTESA NË LIGJIN NR. 75/2014,

“PËR SHËRBIMIN PRIVAT TË SIGURISË FIZIKE”

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 75/2014, “Për shërbimin privat të sigurisë fizike”, bëhen këto ndryshime dhe shtesa:

Neni 1

1. Kudo në ligj emërtimet “Qendra Kombëtare e Licencimit (QKL)” dhe “Qendra Kombëtare e

Regjistrimit (QKR)” zëvendësohen me emërtimin “Qendra Kombëtare e Biznesit (QKB)”.

Neni 2

Në nenin 3 bëhen ndryshimet dhe shtesat e mëposhtme:

1. Pika 4 ndryshohet si më poshtë:

“4. “DVP” është Drejtoria Vendore e Policisë.”.

2. Pas pikës 16 shtohet pika 16/1 me këtë përmbajtje:

“16/1. “Përgjegjësi i shërbimit” është punonjësi i shërbimit i caktuar në detyrë nga titullari i subjektit

pas kryerjes së trajnimit të specializuar dhe ka për detyrë planifikimin, organizimin dhe kontrollin e

shërbimit për një objekt ose grup objektesh.”.

3. Pika 18 ndryshohet si më poshtë:

“18. “Qendra e Menaxhimit të Shërbimeve (QMSH)” është ambienti i kompletuar me personel të

specializuar, mjete dhe pajisje elektronike, që shërben për menaxhimin dhe monitorimin e veprimtarisë

së sigurisë fizike.”.

4. Pika 19 shfuqizohet.

5. Pika 20 ndryshohet si më poshtë:

“20. “QKB” është Qendra Kombëtare e Biznesit.”.

6. Pika 21 shfuqizohet.

7. Pas pikës 23 shtohet pika 23/1 me këtë përmbajtje: